ძალაში შესვლის თარიღი: 10.11.2026
1.1. წინამდებარე კონფიდენციალურობისა და პერსონალურ მონაცემთა დაცვის პოლიტიკა (შემდგომში — „პოლიტიკა“) განსაზღვრავს MMLexPoint — სამართლის აკადემიის (შემდგომში — „პლატფორმა“) მიერ მომხმარებელთა პერსონალური მონაცემების შეგროვების, მოპოვების, გამოყენების, შენახვის, დაცვისა და დამუშავების წესებს.
1.2. პლატფორმა პატივს სცემს მომხმარებელთა პირადი ცხოვრების ხელშეუხებლობის უფლებას და უზრუნველყოფს პერსონალური მონაცემების დამუშავებას საქართველოს კანონმდებლობის, მათ შორის „პერსონალურ მონაცემთა დაცვის შესახებ“ საქართველოს კანონის შესაბამისად.
1.3. წინამდებარე პოლიტიკის მიზანია მომხმარებლის ინფორმირება იმის შესახებ, თუ რა სახის მონაცემები მუშავდება, რა მიზნით, რა სამართლებრივი საფუძვლით, რა ვადით და რა უფლებები გააჩნია მას მონაცემთა დამუშავებასთან დაკავშირებით.
1.4. პლატფორმის გამოყენებით მომხმარებელი ეცნობა წინამდებარე პოლიტიკით განსაზღვრულ პირობებს.
2.1. პლატფორმის გამოყენებისთვის მომხმარებლის რეგისტრაცია სავალდებულო არ არის. მომხმარებლისთვის კონკრეტულ სასწავლო ელემენტზე წვდომის მინიჭება ხორციელდება მის მიერ ელექტრონული ფოსტის მისამართის მითითების საფუძველზე.
2.2. პლატფორმა შესაძლოა ამუშავებდეს შემდეგი სახის პერსონალურ მონაცემებს:
ა) ელექტრონული ფოსტის მისამართი;
ბ) კონკრეტულ სასწავლო ელემენტზე წვდომის მინიჭებისა და გამოყენების შესახებ ინფორმაცია;
გ) ტესტირების პროცესში დაფიქსირებული პასუხები და მიღებული შედეგები;
დ) პლატფორმის გამოყენებასთან დაკავშირებული ტექნიკური ინფორმაცია, მათ შორის, IP მისამართი, მოწყობილობისა და ბრაუზერის შესახებ ინფორმაცია, თუ ასეთი მონაცემები ავტომატურად გროვდება პლატფორმის ტექნიკური სისტემების მეშვეობით;
ე) მომხმარებლის მიერ პლატფორმის ადმინისტრაციასთან კომუნიკაციისას ნებაყოფლობით მიწოდებული ინფორმაცია.
2.3. პლატფორმა არ მოითხოვს მომხმარებლისგან ისეთი პერსონალური მონაცემების მიწოდებას, რომლებიც არ არის აუცილებელი შესაბამისი მომსახურების მიწოდებისთვის.
2.4. პლატფორმა არ ქმნის მომხმარებლის ერთიან პირად ანგარიშს. ელექტრონული ფოსტის მისამართი გამოიყენება კონკრეტულ სასწავლო ელემენტთან მომხმარებლის წვდომის დასაკავშირებლად.
2.5. პლატფორმის ადმინისტრაცია არ ითხოვს მომხმარებლისგან განსაკუთრებული კატეგორიის პერსონალურ მონაცემებს, გარდა კანონმდებლობით გათვალისწინებული შემთხვევებისა და შესაბამისი სამართლებრივი საფუძვლის არსებობისა.
3.1. მომხმარებლის პერსონალური მონაცემები მუშავდება შემდეგი მიზნებისთვის:
ა) მომხმარებლისთვის კონკრეტულ სასწავლო ელემენტზე წვდომის მინიჭება;
ბ) მომხმარებლის მიერ შეძენილი ან მისთვის ხელმისაწვდომი საგანმანათლებლო მომსახურების მიწოდება;
გ) ტესტირების პროცესის ორგანიზება და შედეგების დაფიქსირება;
დ) მომხმარებლისთვის ტესტირების შედეგებისა და დაშვებული შეცდომების შესახებ ინფორმაციის მიწოდება;
ე) მომხმარებელთან მომსახურებასთან დაკავშირებული კომუნიკაციის უზრუნველყოფა;
ვ) პლატფორმის ტექნიკური გამართულობისა და უსაფრთხოების უზრუნველყოფა;
ზ) მომსახურების ხარისხის გაუმჯობესება;
თ) საქართველოს კანონმდებლობით გათვალისწინებული ვალდებულებების შესრულება.
3.2. პერსონალური მონაცემების დამუშავება ხორციელდება საქართველოს კანონმდებლობით განსაზღვრული შესაბამისი სამართლებრივი საფუძვლის არსებობისას, მათ შორის:
ა) მომხმარებლის თანხმობის საფუძველზე;
ბ) მომხმარებლის მოთხოვნით მომსახურების გაწევის ან მომსახურების ხელშეკრულების დადებისა და შესრულების მიზნით;
გ) კანონმდებლობით გათვალისწინებული ვალდებულების შესრულების მიზნით;
დ) პლატფორმის ან მესამე პირის ლეგიტიმური ინტერესის დაცვის მიზნით, თუ ამ ინტერესს არ გადაწონის მომხმარებლის უფლებებისა და თავისუფლებების დაცვის ინტერესი.
3.3. მომხმარებლის პერსონალური მონაცემები არ გამოიყენება იმ მიზნებისთვის, რომლებიც შეუთავსებელია მონაცემთა თავდაპირველი შეგროვების მიზნებთან, შესაბამისი სამართლებრივი საფუძვლის არსებობის გარეშე.
4.1. პერსონალური მონაცემები ინახება მხოლოდ იმ ვადით, რომელიც აუცილებელია მათი დამუშავების მიზნების მისაღწევად ან კანონმდებლობით გათვალისწინებული ვალდებულებების შესასრულებლად.
4.2. ელექტრონული ფოსტის მისამართი და კონკრეტულ სასწავლო ელემენტზე წვდომასთან დაკავშირებული ინფორმაცია ინახება შესაბამისი მომსახურების მიწოდებისა და მისი ადმინისტრირების პერიოდში.
4.3. ტესტირების შედეგები და პასუხებთან დაკავშირებული ინფორმაცია ინახება იმ ვადით, რომელიც აუცილებელია შესაბამისი საგანმანათლებლო მომსახურების ფუნქციონირებისთვის.
4.4. მომსახურების დასრულების ან მონაცემთა დამუშავების მიზნის მიღწევის შემდეგ მონაცემები წაიშლება, განადგურდება ან შეინახება ისეთი ფორმით, რომელიც გამორიცხავს მომხმარებლის იდენტიფიცირებას, გარდა იმ შემთხვევებისა, როდესაც მათი შემდგომი შენახვა აუცილებელია კანონმდებლობით გათვალისწინებული საფუძვლით.
4.5. მონაცემთა შენახვის ვადის განსაზღვრისას გათვალისწინებული იქნება მონაცემთა დამუშავების მიზანი, მონაცემთა ხასიათი და კანონმდებლობით დადგენილი მოთხოვნები.
5.1. პლატფორმა მომხმარებლის პერსონალურ მონაცემებს მესამე პირებს არ გადასცემს, გარდა იმ შემთხვევებისა, როდესაც:
ა) მონაცემთა გადაცემა აუცილებელია მომხმარებლისთვის მომსახურების მიწოდების უზრუნველსაყოფად;
ბ) მონაცემთა გადაცემა ხორციელდება შესაბამისი სამართლებრივი საფუძვლის არსებობისას;
გ) მონაცემთა გადაცემა სავალდებულოა საქართველოს კანონმდებლობის შესაბამისად;
დ) მონაცემთა გადაცემა აუცილებელია პლატფორმის უფლებებისა და კანონიერი ინტერესების დასაცავად, კანონით დაშვებულ ფარგლებში.
5.2. მომსახურების ტექნიკური უზრუნველყოფის მიზნით მონაცემებზე წვდომა შესაძლოა ჰქონდეთ პლატფორმის ტექნიკურ მომსახურებაში ჩართულ უფლებამოსილ პირებს, მათ შორის ჰოსტინგის, სერვერის, ელექტრონული კომუნიკაციისა და სხვა ტექნიკური მომსახურების მიმწოდებლებს.
5.3. ასეთ შემთხვევებში პლატფორმის ადმინისტრაცია უზრუნველყოფს, რომ მონაცემებზე წვდომა ჰქონდეთ მხოლოდ შესაბამისი მომსახურების გაწევისთვის უფლებამოსილ პირებს და მონაცემები დამუშავდეს კანონმდებლობით დადგენილი მოთხოვნების შესაბამისად.
5.4. მომხმარებლის პერსონალური მონაცემები არ გამოიყენება მესამე პირებისთვის კომერციული მიზნით მიყიდვის ან გადაცემის მიზნით.
6.1. მომხმარებლის ელექტრონული ფოსტის მისამართი არ გამოიყენება სარეკლამო ან პირდაპირი მარკეტინგის მიზნებისთვის მისი შესაბამისი თანხმობის გარეშე.
6.2. მომხმარებლის თანხმობის შემთხვევაში, პლატფორმას უფლება აქვს გაუგზავნოს ინფორმაცია ახალი საგანმანათლებლო პროდუქტების, ტესტების, სასწავლო პროგრამებისა და სხვა შეთავაზებების შესახებ.
6.3. მომხმარებელს უფლება აქვს ნებისმიერ დროს გამოიხმოს პირდაპირი მარკეტინგის მიზნით გაცემული თანხმობა, ყოველგვარი განმარტების გარეშე.
6.4. თანხმობის გამოხმობის მოთხოვნა შესაძლებელია პლატფორმის საკონტაქტო ელექტრონული ფოსტის საშუალებით.
7.1. პლატფორმის ადმინისტრაცია იღებს შესაბამის ტექნიკურ და ორგანიზაციულ ზომებს პერსონალური მონაცემების უსაფრთხოების უზრუნველსაყოფად.
7.2. უსაფრთხოების ზომები მიზნად ისახავს მონაცემების დაცვას უნებართვო წვდომისგან, უკანონო დამუშავებისგან, შემთხვევითი დაკარგვისგან, განადგურებისგან, შეცვლისა და გავრცელებისგან.
7.3. პლატფორმის ადმინისტრაცია უფლებამოსილია გამოიყენოს მონაცემთა უსაფრთხოების ტექნიკური მექანიზმები, მათ შორის წვდომის კონტროლი, ავტორიზაციის მექანიზმები და სხვა შესაბამისი საშუალებები.
7.4. პერსონალურ მონაცემებთან დაკავშირებული უსაფრთხოების ინციდენტის გამოვლენის შემთხვევაში პლატფორმის ადმინისტრაცია იმოქმედებს საქართველოს კანონმდებლობით დადგენილი წესით.
8.1. პლატფორმამ შესაძლოა გამოიყენოს ქუქი-ფაილები და მსგავსი ტექნოლოგიები ვებგვერდის გამართული ფუნქციონირების, უსაფრთხოების უზრუნველყოფისა და მომხმარებლის გამოცდილების გაუმჯობესების მიზნით.
8.2. ქუქი-ფაილები წარმოადგენს მცირე ზომის მონაცემებს, რომლებიც მომხმარებლის მოწყობილობაში ინახება ვებგვერდის გამოყენებისას.
8.3. ქუქი-ფაილები შესაძლოა გამოიყენებოდეს პლატფორმის ძირითადი ფუნქციების უზრუნველსაყოფად, მომხმარებლის ტექნიკური პარამეტრების დასამახსოვრებლად და ვებგვერდის გამოყენების ანალიზისთვის.
8.4. იმ შემთხვევაში, თუ პლატფორმა იყენებს არასავალდებულო ან ანალიტიკურ ქუქი-ფაილებს, მათი გამოყენება განხორციელდება კანონმდებლობით დადგენილი მოთხოვნების შესაბამისად.
9.1. საქართველოს კანონმდებლობის შესაბამისად, მომხმარებელს, როგორც მონაცემთა სუბიექტს, უფლება აქვს:
ა) მიიღოს ინფორმაცია მის შესახებ დამუშავებული პერსონალური მონაცემების თაობაზე;
ბ) გაეცნოს მის პერსონალურ მონაცემებს და მიიღოს მათი ასლები;
გ) მოითხოვოს არასწორი ან არასრული მონაცემების გასწორება, განახლება ან შევსება;
დ) მოითხოვოს მონაცემთა დამუშავების შეწყვეტა, წაშლა ან განადგურება კანონმდებლობით გათვალისწინებულ შემთხვევებში;
ე) მოითხოვოს მონაცემთა დაბლოკვა კანონით განსაზღვრული საფუძვლების არსებობისას;
ვ) გამოიხმოს მონაცემთა დამუშავებაზე გაცემული თანხმობა;
ზ) ისარგებლოს მონაცემთა გადატანის უფლებით კანონით გათვალისწინებულ შემთხვევებში;
თ) გაასაჩივროს პერსონალურ მონაცემთა დამუშავებასთან დაკავშირებული დარღვევები კანონმდებლობით დადგენილი წესით.
9.2. მომხმარებლის უფლებების განხორციელება შესაძლებელია პლატფორმის ადმინისტრაციისთვის შესაბამისი მოთხოვნის გაგზავნით ელექტრონული ფოსტის საშუალებით.
9.3. მომხმარებლის მოთხოვნა განიხილება საქართველოს კანონმდებლობით დადგენილი წესითა და ვადებით.
9.4. მომხმარებლის მიერ თანხმობის გამოხმობა არ იწვევს თანხმობის გამოხმობამდე განხორციელებული მონაცემთა დამუშავების კანონიერების უკუქცევით გაუქმებას.
10.1. პლატფორმის ტექნიკური ინფრასტრუქტურის ან მომსახურების მიმწოდებლების ადგილმდებარეობიდან გამომდინარე, შესაძლოა საჭირო გახდეს მომხმარებლის პერსონალური მონაცემების საქართველოს ფარგლებს გარეთ გადაცემა.
10.2. მონაცემთა სხვა სახელმწიფოსთვის ან საერთაშორისო ორგანიზაციისთვის გადაცემა განხორციელდება მხოლოდ საქართველოს კანონმდებლობით დადგენილი შესაბამისი სამართლებრივი საფუძვლისა და გარანტიების არსებობის შემთხვევაში.
10.3. მონაცემთა საერთაშორისო გადაცემისას პლატფორმის ადმინისტრაცია უზრუნველყოფს მონაცემთა დაცვის კანონმდებლობით გათვალისწინებული მოთხოვნების დაცვას.
11.1. პლატფორმის ადმინისტრაცია უფლებამოსილია საჭიროების შემთხვევაში შეიტანოს ცვლილებები წინამდებარე პოლიტიკაში.
11.2. განახლებული პოლიტიკა გამოქვეყნდება პლატფორმაზე და ძალაში შევა გამოქვეყნებისთანავე ან მასში მითითებული თარიღიდან.
11.3. არსებითი ცვლილებების შემთხვევაში მომხმარებელს მიეწოდება შესაბამისი ინფორმაცია პლატფორმაზე გამოქვეყნებით ან მის მიერ მითითებულ ელექტრონულ ფოსტაზე შეტყობინების გაგზავნით.
პერსონალური მონაცემების დამუშავებასთან, მათ დაცვასა და მომხმარებლის უფლებების განხორციელებასთან დაკავშირებული კითხვებისა და მოთხოვნების შემთხვევაში მომხმარებელს შეუძლია მიმართოს პლატფორმის ადმინისტრაციას:
პლატფორმა: MMLexPoint — სამართლის აკადემია
ელექტრონული ფოსტა: mmlexpoint@gmail.com
ვებგვერდი:
მომხმარებლის მოთხოვნები განიხილება საქართველოს კანონმდებლობით დადგენილი წესით.
MMLexPoint — სამართლის აკადემია
1.1. წინამდებარე წესები და პირობები განსაზღვრავს ვებგვერდის — MMLexPoint — სამართლის აკადემიის (შემდგომში — „პლატფორმა“) გამოყენების, საგანმანათლებლო მასალებზე წვდომის, მომსახურების მიღების, საფასურის გადახდისა და მხარეთა შორის წარმოშობილი ურთიერთობების ძირითად პირობებს.
1.2. პლატფორმა წარმოადგენს სამართლებრივ საგანმანათლებლო სივრცეს, რომლის მიზანია დაინტერესებული პირების სამართლებრივი ცოდნის გაღრმავება, პროფესიული განვითარების ხელშეწყობა და ადვოკატთა საკვალიფიკაციო გამოცდისთვის მომზადება.
1.3. პლატფორმის მომსახურებით სარგებლობა ხორციელდება წინამდებარე წესებისა და პირობების შესაბამისად. პლატფორმის მომსახურების შეძენით ან მისით სარგებლობით მომხმარებელი ადასტურებს, რომ გაეცნო აღნიშნულ პირობებს და ეთანხმება მათ.
1.4. წინამდებარე წესები და პირობები ვრცელდება პლატფორმის ყველა მომხმარებელზე, მიუხედავად იმისა, სარგებლობს იგი უფასო თუ ფასიანი მომსახურებით.
1.5. პლატფორმის მეშვეობით შეთავაზებული მომსახურება განკუთვნილია საგანმანათლებლო მიზნებისთვის.
2.1. პლატფორმით სარგებლობისთვის მომხმარებლის რეგისტრაცია სავალდებულო არ არის. კონკრეტულ სასწავლო ელემენტზე წვდომის მისაღებად მომხმარებელი უთითებს საკუთარ ელექტრონული ფოსტის მისამართს, რომლის საფუძველზეც პლატფორმის ადმინისტრაცია უზრუნველყოფს მისთვის შესაბამისი წვდომის მინიჭებას.
2.2. ელექტრონული ფოსტის მისამართი გამოიყენება მომხმარებლის იდენტიფიცირების, კონკრეტულ სასწავლო ელემენტზე წვდომის მინიჭებისა და მომსახურებასთან დაკავშირებული ინფორმაციის მიწოდების მიზნით.
2.3. მომხმარებელი პასუხისმგებელია მის მიერ მითითებული ელექტრონული ფოსტის მისამართის სისწორესა და იმაზე, რომ აღნიშნულ ელექტრონულ ფოსტაზე წვდომა აქვს თავად მას.
2.4. პლატფორმაზე არ იქმნება მომხმარებლის ერთიანი, მუდმივი ანგარიში. მომხმარებლისთვის წვდომის მინიჭება ხორციელდება კონკრეტულ სასწავლო ელემენტთან მიმართებით, ხოლო თითოეულ ასეთ ელემენტზე წვდომის პირობები განისაზღვრება შესაბამისი მომსახურების აღწერილობითა და წინამდებარე წესებითა და პირობებით.
2.5. კონკრეტულ სასწავლო ელემენტზე წვდომის მინიჭება არ გულისხმობს პლატფორმაზე განთავსებულ სხვა მასალებზე ან მომსახურებებზე ავტომატური წვდომის წარმოშობას.
2.6. მომხმარებელს ეკრძალება მისთვის მინიჭებული წვდომის მესამე პირისთვის გადაცემა, გაზიარება ან ისეთი ფორმით გამოყენება, რომელიც შესაძლებლობას მისცემს სხვა პირს, ისარგებლოს მისთვის განკუთვნილი მომსახურებით.
2.7. პლატფორმის ადმინისტრაცია უფლებამოსილია შეზღუდოს ან შეაჩეროს კონკრეტულ სასწავლო ელემენტზე წვდომა წინამდებარე წესებისა და პირობების დარღვევის შემთხვევაში.
3.1. პლატფორმა მომხმარებელს სთავაზობს სამართლებრივ საგანმანათლებლო მასალებსა და რესურსებს, მათ შორის:
ა) თემატურ ტესტებს;
ბ) პრაქტიკულ და კაზუსურ დავალებებს;
გ) სამართლებრივი საკითხების განმარტებებს;
დ) საგამოცდო ფორმატის სავარჯიშოებს;
ე) სასამართლო პრაქტიკის ანალიზს;
ვ) სხვა საგანმანათლებლო მასალებსა და რესურსებს.
3.2. პლატფორმაზე განთავსებული მასალები ემსახურება საგანმანათლებლო მიზნებს და არ წარმოადგენს ინდივიდუალურ იურიდიულ კონსულტაციას.
3.3. პლატფორმის მიერ შეთავაზებული სასწავლო მასალები და ტესტები შეიძლება ეფუძნებოდეს საქართველოსა და უცხო ქვეყნების მოქმედ კანონმდებლობას, საერთაშორისო სამართალს, საერთაშორისო ხელშეკრულებებს, საერთაშორისო სასამართლოებისა და სხვა სასამართლო ორგანოების პრაქტიკას, სამართლებრივ დოქტრინასა და შესაბამის აკადემიურ წყაროებს.
3.4. პლატფორმა უფლებამოსილია პერიოდულად განაახლოს, შეცვალოს ან დაამატოს საგანმანათლებლო მასალები, მათ შორის, კანონმდებლობის, სასამართლო პრაქტიკისა და სხვა სამართლებრივი წყაროების ცვლილებების გათვალისწინებით.
3.5. პლატფორმით სარგებლობა და მასზე განთავსებული მასალების შესწავლა არ წარმოადგენს ადვოკატთა საკვალიფიკაციო გამოცდის წარმატებით ჩაბარების ან სხვა პროფესიული შედეგის მიღწევის გარანტიას.
4.1. მომხმარებელს უფლება აქვს, ისარგებლოს მისთვის ხელმისაწვდომი ტესტებითა და სავარჯიშოებით შესაბამისი სასწავლო ელემენტისთვის განსაზღვრული პირობების შესაბამისად.
4.2. ტესტირების პროცესი შეიძლება მოიცავდეს კითხვების თანმიმდევრულად წარმოდგენას, პასუხების დაფიქსირებასა და ტესტირების დასრულების შემდეგ საბოლოო შედეგის ავტომატურ გამოთვლას.
4.3. პლატფორმა უფლებამოსილია მომხმარებელს მიაწოდოს ინფორმაცია დაშვებული შეცდომების, სწორი პასუხებისა და მიღებული შედეგების შესახებ.
4.4. ტესტირების დასრულების შემდეგ მომხმარებელს შეიძლება ჰქონდეს შესაძლებლობა, ხელახლა გაეცნოს იმ კითხვებს, რომლებზეც არასწორი პასუხი გასცა.
4.5. ტესტირების შედეგები ასახავს მხოლოდ კონკრეტული ტესტირების ფარგლებში დაფიქსირებულ შედეგს და არ წარმოადგენს მომხმარებლის პროფესიული ცოდნის ან კვალიფიკაციის ოფიციალურ შეფასებას.
5.1. პლატფორმაზე განთავსებული ყველა ორიგინალური სასწავლო მასალა, ტესტი, კითხვა, კაზუსი, განმარტება, ტექსტი, გრაფიკული გამოსახულება, დიზაინი, ლოგო და სხვა ინტელექტუალური საკუთრების ობიექტი დაცულია საქართველოს კანონმდებლობითა და შესაბამისი საერთაშორისო სამართლებრივი ნორმებით.
5.2. პლატფორმაზე განთავსებულ მასალებზე საავტორო და სხვა შესაბამისი უფლებები ეკუთვნის MMLexPoint-ს ან შესაბამის უფლებამოსილ პირს, გარდა იმ შემთხვევებისა, როდესაც კონკრეტულ მასალასთან დაკავშირებით სხვაგვარად არის მითითებული.
5.3. მომხმარებელს ეკრძალება პლატფორმის მასალების:
ა) კოპირება, გამრავლება ან გავრცელება პლატფორმის ადმინისტრაციის წინასწარი თანხმობის გარეშე;
ბ) მესამე პირისთვის გადაცემა, გაყიდვა ან კომერციული მიზნით გამოყენება;
გ) სხვა ვებგვერდზე, სოციალურ ქსელში ან ელექტრონულ პლატფორმაზე განთავსება;
დ) სასწავლო მასალების საფუძველზე საკუთარი ან მესამე პირის კომერციული საგანმანათლებლო პროდუქტის შექმნა;
ე) მასალების შეცვლა, გადამუშავება ან მათი ავტორობის მითვისება.
5.4. მომხმარებელს არ აქვს უფლება, პლატფორმის მასალები გამოიყენოს საკუთარი სახელით, როგორც მის მიერ შექმნილი საგანმანათლებლო პროდუქტი.
5.5. პლატფორმის მომსახურების შეძენა ან კონკრეტულ სასწავლო ელემენტზე წვდომის მიღება მომხმარებელს არ ანიჭებს მასზე განთავსებული მასალების საკუთრების, კოპირების, გავრცელების ან სხვა დამოუკიდებელი გამოყენების უფლებას, გარდა პირადი სასწავლო მიზნებისთვის მასალების დათვალიერებისა.
6.1. პლატფორმაზე განთავსებული სასწავლო მასალების უნებართვო კოპირება, ფოტოგრაფირება, ეკრანის ანაბეჭდის (Screenshot) გადაღება, ეკრანის ჩაწერა, ჩამოტვირთვა ან სხვა ფორმით შენახვა და გავრცელება აკრძალულია.
6.2. მომხმარებელს ეკრძალება ნებისმიერი ტექნიკური საშუალების გამოყენება, რომლის მიზანია პლატფორმაზე განთავსებული მასალების უნებართვო ჩამოტვირთვა, კოპირება, ამოღება ან დაცვის მექანიზმების გვერდის ავლა.
6.3. პლატფორმის ადმინისტრაცია უფლებამოსილია გამოიყენოს ტექნიკური და ორგანიზაციული საშუალებები მასალების უნებართვო კოპირებისა და გავრცელების პრევენციისთვის.
6.4. ამ მუხლით გათვალისწინებული ვალდებულებების დარღვევის შემთხვევაში პლატფორმის ადმინისტრაცია უფლებამოსილია შეზღუდოს მომხმარებლისთვის მინიჭებული წვდომა და გამოიყენოს კანონმდებლობით გათვალისწინებული სამართლებრივი დაცვის საშუალებები.
7.1. პლატფორმაზე შესაძლებელია როგორც უფასო, ისე ფასიანი საგანმანათლებლო მომსახურების შეთავაზება.
7.2. ფასიანი მომსახურების ღირებულება, მისი შინაარსი, მოცულობა, გადახდის წესი და კონკრეტულ სასწავლო ელემენტზე წვდომის ვადა მომხმარებელს მიეწოდება მომსახურების შეძენამდე.
7.3. მომხმარებელი ვალდებულია მომსახურების საფასური გადაიხადოს პლატფორმის მიერ განსაზღვრული წესით.
7.4. მომსახურების საფასურის გადახდით მომხმარებელი იძენს უფლებას, ისარგებლოს მხოლოდ იმ კონკრეტული სასწავლო ელემენტით, რომლის შეძენაც განახორციელა და იმ პირობებითა და ვადით, რომლებიც წინასწარ იყო განსაზღვრული შესაბამისი მომსახურებისთვის.
7.5. მომსახურების საფასურის გადახდა თავისთავად არ გულისხმობს შესაბამის სასწავლო ელემენტზე უვადო ან მუდმივი წვდომის მინიჭებას. წვდომის ხანგრძლივობა განისაზღვრება კონკრეტული მომსახურების შეძენისას მითითებული პირობებით.
7.6. თუ კონკრეტული მომსახურებისთვის განსაზღვრულია წვდომის ვადა, მისი გასვლის შემდეგ მომხმარებელს შესაბამის სასწავლო ელემენტზე წვდომა შეუწყდება, მიუხედავად იმისა, რომ მომსახურების საფასური სრულად აქვს გადახდილი.
7.7. პლატფორმის ადმინისტრაცია უფლებამოსილია განსაზღვროს კონკრეტული სასწავლო ელემენტების ხელმისაწვდომობის პერიოდი, განაახლოს მათი შინაარსი ან შეწყვიტოს მათი შეთავაზება, წინამდებარე წესებისა და პირობებისა და საქართველოს მოქმედი კანონმდებლობის გათვალისწინებით.
7.8. თანხის დაბრუნებასთან დაკავშირებული საკითხები რეგულირდება საქართველოს მოქმედი კანონმდებლობითა და კონკრეტული მომსახურების შეძენისას განსაზღვრული პირობებით. წინამდებარე პირობები არ ზღუდავს მომხმარებლის კანონით გათვალისწინებულ უფლებებს.
8.1. პლატფორმის ადმინისტრაცია იღებს გონივრულ ზომებს პლატფორმის გამართული ფუნქციონირებისა და მომხმარებლებისთვის მომსახურების ხელმისაწვდომობის უზრუნველსაყოფად, თუმცა არ იძლევა პლატფორმის უწყვეტი, შეუფერხებელი და შეცდომებისგან თავისუფალი მუშაობის გარანტიას.
8.2. პლატფორმის ფუნქციონირება შეიძლება დროებით შეფერხდეს ან შეიზღუდოს შემდეგი გარემოებების გამო:
ა) ტექნიკური ხარვეზები ან პროგრამული უზრუნველყოფის გაუმართაობა;
ბ) სერვერის, ჰოსტინგის ან სხვა ტექნიკური მომსახურების მიმწოდებლის შეფერხება;
გ) ინტერნეტკავშირის ან სატელეკომუნიკაციო მომსახურების შეზღუდვა;
დ) პლატფორმის განახლების, ტექნიკური მომსახურების ან უსაფრთხოების სამუშაოების განხორციელება;
ე) კიბერშეტევა, სისტემის არასანქცირებული ჩარევა ან სხვა ტექნიკური საფრთხე;
ვ) დაუძლეველი ძალის (ფორსმაჟორული) გარემოებები;
ზ) სხვა გარემოებები, რომლებიც პლატფორმის ადმინისტრაციის გონივრულ კონტროლს არ ექვემდებარება.
8.3. პლატფორმის ადმინისტრაცია უფლებამოსილია განახორციელოს წინასწარ დაგეგმილი ტექნიკური სამუშაოები, რის შედეგადაც შესაძლებელია პლატფორმის ან მისი ცალკეული ფუნქციების დროებითი მიუწვდომლობა. შესაძლებლობის შემთხვევაში მომხმარებლებს წინასწარ მიეწოდებათ ინფორმაცია აღნიშნულის შესახებ.
8.4. გაუთვალისწინებელი ტექნიკური შეფერხების შემთხვევაში პლატფორმის ადმინისტრაცია მიიღებს გონივრულ ზომებს შეფერხების აღმოსაფხვრელად და მომსახურების აღსადგენად.
8.5. პლატფორმის ადმინისტრაცია უფლებამოსილია დროებით შეზღუდოს ან შეაჩეროს პლატფორმის ან მისი ცალკეული ფუნქციების ხელმისაწვდომობა, თუ ეს აუცილებელია ტექნიკური უსაფრთხოების, სისტემის გამართული მუშაობის ან სხვა მნიშვნელოვანი გარემოების გამო.
8.6. პლატფორმის ადმინისტრაცია უფლებამოსილია შეწყვიტოს პლატფორმის ან მისი ცალკეული საგანმანათლებლო მომსახურების ფუნქციონირება, მათ შორის, საქმიანობის შეწყვეტის, ტექნიკური ან ორგანიზაციული ცვლილებების ან სხვა საფუძვლიანი მიზეზის არსებობის შემთხვევაში.
8.7. პლატფორმის ფუნქციონირების მუდმივად შეწყვეტის შესახებ გადაწყვეტილების მიღების შემთხვევაში ადმინისტრაცია, შესაძლებლობის ფარგლებში, მომხმარებლებს წინასწარ აცნობებს აღნიშნულის შესახებ პლატფორმაზე გამოქვეყნებით ან მათ მიერ მითითებულ ელექტრონულ ფოსტაზე შეტყობინების გაგზავნით.
8.8. თუ პლატფორმის ფუნქციონირების შეწყვეტის ან ხანგრძლივი მიუწვდომლობის შედეგად მომხმარებელს აღარ აქვს შესაძლებლობა, ისარგებლოს მის მიერ შეძენილი მომსახურებით, საკითხი გადაწყდება კონკრეტული მომსახურების პირობებისა და საქართველოს მოქმედი კანონმდებლობის შესაბამისად. საჭიროების შემთხვევაში განიხილება მომსახურების აღდგენის, წვდომის ვადის გაგრძელების ან გადახდილი თანხის შესაბამისი ნაწილის დაბრუნების საკითხი.
8.9. ამ მუხლით გათვალისწინებული გარემოებები არ ათავისუფლებს პლატფორმის ადმინისტრაციას კანონმდებლობით გათვალისწინებული პასუხისმგებლობისგან იმ შემთხვევებში, როდესაც ასეთი პასუხისმგებლობა არსებობს.
9.1. მომხმარებელი ვალდებულია:
ა) პლატფორმა გამოიყენოს კანონიერად და კეთილსინდისიერად;
ბ) დაიცვას წინამდებარე წესები და პირობები;
გ) არ განახორციელოს ისეთი ქმედება, რომელიც საფრთხეს შეუქმნის პლატფორმის უსაფრთხოებასა და ფუნქციონირებას;
დ) არ გადასცეს მესამე პირს მისთვის მინიჭებული წვდომა;
ე) არ განახორციელოს სასწავლო მასალების უნებართვო კოპირება ან გავრცელება;
ვ) არ გამოიყენოს პლატფორმა სხვა პირების უფლებებისა და კანონიერი ინტერესების ხელყოფის მიზნით;
ზ) დაიცვას პლატფორმაზე განთავსებული მასალების საავტორო და სხვა ინტელექტუალური საკუთრების უფლებები.
10.1. პლატფორმის ადმინისტრაცია მომხმარებლის პერსონალურ მონაცემებს ამუშავებს საქართველოს მოქმედი კანონმდებლობის, მათ შორის „პერსონალურ მონაცემთა დაცვის შესახებ“ საქართველოს კანონის შესაბამისად.
10.2. მომხმარებლის მიერ მითითებული ელექტრონული ფოსტის მისამართი მუშავდება მომხმარებლის იდენტიფიცირების, კონკრეტულ სასწავლო ელემენტზე წვდომის მინიჭების, მომსახურების მიწოდებისა და მომსახურებასთან დაკავშირებული კომუნიკაციის მიზნით.
10.3. საჭიროების შემთხვევაში მონაცემები შეიძლება დამუშავდეს გადახდების ადმინისტრირების, მომსახურების ხარისხის უზრუნველყოფისა და პლატფორმის უსაფრთხოების დაცვის მიზნით.
10.4. პერსონალური მონაცემების დამუშავების მიზნები, სამართლებრივი საფუძვლები, შენახვის ვადები, მონაცემთა სუბიექტის უფლებები და სხვა შესაბამისი საკითხები განისაზღვრება პლატფორმის კონფიდენციალურობისა და პერსონალურ მონაცემთა დაცვის პოლიტიკით.
11.1. მომხმარებელი პასუხისმგებელია მის მიერ პლატფორმის გამოყენებისას განხორციელებულ ქმედებებზე და წინამდებარე წესებისა და პირობების დარღვევით გამოწვეულ შედეგებზე.
11.2. პლატფორმის ადმინისტრაცია უფლებამოსილია შეზღუდოს მომხმარებლისთვის მინიჭებული წვდომა, თუ გამოვლინდება მომსახურების გამოყენების წესების დარღვევა, წვდომის მესამე პირისთვის გადაცემა, მასალების უნებართვო გავრცელება ან პლატფორმის უსაფრთხოებისთვის საფრთხის შექმნა.
11.3. პლატფორმის ადმინისტრაცია არ აგებს პასუხს იმ შეფერხებებზე, რომლებიც გამოწვეულია მომხმარებლის ინტერნეტკავშირის, მოწყობილობის, პროგრამული უზრუნველყოფის ან მესამე პირის ტექნიკური მომსახურების გაუმართაობით, გარდა კანონმდებლობით გათვალისწინებული შემთხვევებისა.
11.4. პასუხისმგებლობის საკითხი განისაზღვრება საქართველოს მოქმედი კანონმდებლობის შესაბამისად.
12.1. პლატფორმის ადმინისტრაცია უფლებამოსილია საჭიროების შემთხვევაში შეიტანოს ცვლილებები წინამდებარე წესებსა და პირობებში.
12.2. ცვლილებული პირობები გამოქვეყნდება პლატფორმაზე და ძალაში შევა გამოქვეყნებისთანავე ან თავად დოკუმენტში მითითებული თარიღიდან.
12.3. არსებითი ცვლილებების შემთხვევაში მომხმარებელს მიეწოდება შესაბამისი ინფორმაცია პლატფორმაზე გამოქვეყნებით ან მის მიერ მითითებულ ელექტრონულ ფოსტაზე შეტყობინების გაგზავნით.
12.4. წესებსა და პირობებში შეტანილი ცვლილებები არ უნდა იქნეს გამოყენებული მომხმარებლის მიერ უკვე შეძენილი მომსახურების პირობების უკუქცევითი გაუარესების მიზნით, გარდა კანონით გათვალისწინებული შემთხვევებისა.
13.1. წინამდებარე წესებიდან და პირობებიდან გამომდინარე ურთიერთობები რეგულირდება საქართველოს კანონმდებლობით.
13.2. მხარეებს შორის წარმოშობილი დავა პირველ რიგში გადაწყდება ურთიერთშეთანხმების გზით.
13.3. შეთანხმების მიუღწევლობის შემთხვევაში დავა განიხილება საქართველოს კანონმდებლობით დადგენილი წესით.
პლატფორმასთან, მომსახურებასთან ან წინამდებარე წესებსა და პირობებთან დაკავშირებული შეკითხვების შემთხვევაში მომხმარებელს შეუძლია მიმართოს პლატფორმის ადმინისტრაციას შემდეგი საკონტაქტო არხების მეშვეობით:
ელექტრონული ფოსტა: mmlexpoint@gmail.com
MMLexPoint — სამართლის აკადემია